1221. Жобир ибн Абдуллоҳ розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Эшикларни беркитинг. Мешларни боғланг. Идишларнинг устини ёпинг. Чироқларни ўчиринг. Бас, шайтон беркилганни оча олмас. Боғланганни еча олмас. Идишларни очолмас. Албатта, фосиқча уй аҳлининг устидан уйларига ўт қўйиб юборур», дедилар».

1. «Эшикларни беркитинг».

2. «Мешларни боғланг».

3. «Идишларнинг устини ёпинг».

4. «Чироқларни ўчиринг».

«Бас, шайтон беркилганни оча олмас. Боғланганни еча олмас. Идишларни очолмас».

1222. Ибн Аббос розияллоҳу анҳудан ривоят қилинади:

«Сичқон келиб, пиликни мудрай бошлади. Ходима уни ҳайдади. Шунда Расулуллоҳ соллаллоҳу алайҳи васаллам: «Қўявер уни» дедилар. Сичқон уни У зот ўтирган хамра устига ташлади. Унинг дирҳамдек жойи куйди.

Бас, Расулуллоҳ соллаллоҳу алайҳи васаллам:

«Қачон ухласангиз, чироқларингизни ўчиринг. Чунки шайтон манабунга ўхшаганга амр қилса, куйиб қолишингиз мумкин», дедилар».

1223. Абу Саъийд розияллоҳу анҳудан ривоят қилинади:

«Расулуллоҳ соллаллоҳу алайҳи васаллам бир кечаси уйғонсалар, сичқон чироқнинг пилигини тортиб кетаётган экан. Ул уни тортиб шифтга чиққанди. Устиларидан уйга ўт кетиши учун. Шунда Набий соллаллоҳу алайҳи васаллам уни лаънатладилар ва эҳромдаги одамга уни ўлдиршни ҳалол қилдилар».