1149. Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам дорвозалар олдида ўтиришдан қайтардилар. Шунда одамлар:
«Ё Аллоҳнинг Расули! Уйда ўтиравериш бизга оғир келади», дейишди.
«Агар ўтирсангиз, мажлиснинг ҳаққини беринглар», дедилар.
«Мажлиснинг ҳаққи нима? Ё Аллоҳнинг Расули!» дейишди.
«Йўл сўраганга йўл кўрсатиш; Саломга алик олиш; кўзни тийиш; амри маъруф ва наҳий мункар қилиш», дедилар».
1150. Абу Саъийд Худрий розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Йўлларда ўтиришдан эҳтиёт бўлинглар», дедилар.
«Ё Аллоҳнинг Расули! Биз гаплашиб ўтиришга мажбур бўламиз», дейишди.
«Агар ўтирсангиз, йўлнинг ҳаққини беринг», дедилар.
«Йўлнинг ҳаққи нима? Ё Аллоҳнинг Расули?» дейишди.
«Кўзни тийиш, озор бермаслик, амри маъруф ва наҳйи мункар», дедилар».
|