776. Муҳаммад ибн Ҳилол розияллоҳу анҳудан ривоят қилинади:
«У Набий соллаллоҳу алайҳи васалламнинг аёлларининг ҳужраларини хурмо пўстлоғидан, жундан тикилган мато билан ўралганини кўрган.
Мен ундан Оишанинг уйи ҳақида сўрадим. Бас, у:
«Эшиги Шом томонга қараган эди», деди.
«Бир табақалимиди ёки икки табақали эдими?» дедим.
«Бир эшик эди», деди.
«У нимадан қилинган эди?» дедим.
«Сарв ёки сождан», деди.
777. Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Одамлар уйларни бино қилиб, уларни худди кийимларини бўягандек бўяйдиган бўлмагунча қиёмат қойим бўлмайди», дедилар».
Иброҳим: «Яъни, чизиқли кийимлар», деди».
|