140. Ибн Аббос розияллоҳу анҳумо дедилар: Бир кун Расулуллоҳ соллаллоҳу алайҳи васаллам ҳожатхонадан чиқдилар. Ҳузурларига таом ҳозир қилинди ва таҳорат учун сув келтирайликми, деб сўралди. У зот марҳамат қилдидарки, “Ҳақикатда мен намоз учун турмоқчи бўлсам, ўша вақтдагина таҳорат олмоққа буюрилганман.
141. Салмон Форсий розияллоҳу анҳу дедилар: Мен Тавротда “таомнинг баракаси, орқасидан қўл ювишдадир” деб ўқидим. Бу масалани Расулуллоҳ соллаллоҳу алайҳи васалламга айтдим. У зот марҳамат килдилар: Таомнинг барокатлик бўлиши ундан аввал ва ундан кейин қўл ювишдадир.
И з о ҳ. Вудуъдан мурод аввалги ҳадисда истилохи намоз таҳоратидир. Иккинчи ҳадисда, қўл ва оғиз ювмоқнинг ўзидир. Аввалги ҳадисдан намоз таҳоратининг таом устида зарур эмаслиги, фақат қўл ва оғизни ювиб қўйилса, кифоя эканлиги маълум бўлади. Иккинчи ҳадисдан таомдан аввал ва кейин қўл ювмоқнинг матлублиги, мустаҳаблиги тушунилади.
Уламолар айтганларки, таомдан аввал қўл ювилганда бўладиган баракат шуки, қўл ювиб ейилган таом зиёда бўлади, ҳаммага кифояли бўлади, егувчиларнинг қоринлари тўйиб, таомдан кейинги бўладиган барокат шуки, нима мақсад ва нима ғараз учун бу таом ейилиб турилган бўлса, ўша мақсад иншоолло, ҳосил бўлади. Таомнинг ўзи яхши ҳазм бўлади. Баданга қўшилиб, ғайрат пайдо бўлади. Ибодатларга ва яхши ахлоқларга сабаб бўлади.
|