1228/1. Анасдан р.а. ривоят қилинади. Расулуллоҳ  с.а.в. : «Саҳарлик қилинглар. Чунки саҳарлик қилишда барака бордир», дедилар. Имом Бухорий ва Муслим ривоятлари.

1229/2. Зайд ибн Собитдан р.а. ривоят қилинади. Бу зот: «Биз Расулуллоҳ  с.а.в.  билан бирга саҳарлик қилдик. Кейин намозга турдик», деганларида, ёнларидагилар томонидан: «Унинг орасидаги муддат қанча эди?» деб савол берилди. Шунда Зайд р.а.: «Эллик оят ўқиш миқдорича фурсат эди», дедилар. Имом Бухорий ва Муслим ривоятлари.

1230/3. Ибн Умардан р.а. ривоят қилинади. Расулуллоҳнинг  с.а.в.  икки муаззинлари бор эди. Бири Билол р.а., иккинчиси Ибн Умму Мактум р.а.. Икковлари ҳақида Расулуллоҳ  с.а.в. : «Билол (тонг отмасидан олдин) кечаси азон айтади. Сизлар у азон айтганида то Ибн Умму Мактум айтгунича бемалол еб-ичаверинглар», дедилар. Ибн Умар р.а.: «Бу икки азон ўртасида бирлари чиқиб, иккинчилари тушгунчалик фурсат ўтар эди», дедилар. Имом Муслим ва Бухорий ривоятлари.

1231/4. Амр ибн Оссдан р.а. ривоят қилинади. Расулуллоҳ  с.а.в. : «Биз билан аҳли китоблар (яҳудий ва насронийлар) нинг рўзаси орасидаги фарқ саҳарлик қилишдадир», дедилар. Имом Муслим ривоятлари.

Фойда: Ислом умматининг бошқалардан устун бўлган хусусиятларидан бири ифторлик қилишдир.