1223/1. Абу Ҳурайрадан р.а. ривоят қилинади. Расулуллоҳ с.а.в. : «Сизлардан ҳеч бир киши шаъбон ойининг охирги бир ёки икки кунида рўза тутиб Рамазон ойига кирмасин. Лекин бир кишининг одатига тўғри келиб қолса рўза тутишининг зарари йўқдир», дедилар. Имом Бухорий ва Муслим ривоятлари.
1224/2. Ибн Аббосдан р.а. ривоят қилинади. Расулуллоҳ с.а.в. : «Рамазондан олдин рўза тутманглар. Янги ойни кўриб рўза тутинглар. Янги ойни кўриб оғиз очинглар. Агар булут янги ойни кўришга монеълик қилса ўттиз кун мукаммал қилиб рўза тутинглар», деб айтдилар. Имом Термизий ривоятлари.
(Яъни, агар янги ойни кўриш имкони бўлмаса шаъбон ойини ўттиз кун мукаммал қилиб кейин рўза тутилсин. Ҳамда шаввол ойини кўриш имкони бўлмаса ўттиз кун тўла рўза тутиб, кейин оғиз очилсин. – Тарж)
1225/3. Абу Ҳурайрадан р.а. ривоят қилинади. Расулуллоҳ с.а.в. «Агар шаъбон ойининг ярми қолган бўлса (нафл) рўза тутманглар», дедилар. Имом Термизий ривоятлари.
1226/4. Абу Яқзон Аммор ибн Ёсирдан р.а. ривоят қилинади. Бу зот: «Ким шак кунида рўза тутса, батаҳқиқ Абулқосимга с.а.в. осийлик қилибди», дедилар. Абу Довуд ва Термизий ривоятлари.
|