1221/1. Ибн Аббосдан р.а. ривоят қилинади. Расулуллоҳ с.а.в. одамларнинг ичида энг сахийси эдилар. Рамазон ойида Жаброил алайҳиссаломга йўлиққан пайтларида янада сахий бўлиб кетардилар. Жаброил алайҳиссалом Рамазоннинг ҳар кечасида бу зот билан кўришиб, Қуръонни дарс қилишар эди. Расулуллоҳ с.а.в. Жаброил алайҳиссаломга йўлиққанларида яхшилик қилишда юборилган шамолдан ҳам сахий бўлиб кетардилар. Имом Бухорий ва Муслим ривоятлари.
1222/2. Оишадан р.а. ривоят қилинади. Расулуллоҳ с.а.в. агар Рамазоннинг охирги ўн кунлиги кирса кечани бедорлик ила ўтказар эдилар. Ва аҳлларини ҳам уйғотиб, белларини ибодатга маҳкам боғлар эдилар. Имом Бухорий ва Муслим ривоятлари.
|