Бу бобимизга Умар ибн Саламадан ривоят қилинган 738-ҳадис ҳам далил бўлади.
742/1. Ибн Аббосдан р.а.ривоят қилинади. Расулуллоҳ с.а.в. : «Барака таомнинг ўртасига тушади. Шундоқ экан, унинг атрофидан енглар. Ўртасидан еманглар», деб айтдилар. АбуДовуд ва Термизий ривоятлари.
Фойда: Таомнинг усти ва ўртасидан ейишнинг ка-роҳияти ва унинг атрофидан ейишга буюриш бор. Шу сингари нон ҳам ўртасидан эмас атрофидан бошлаб ейилади.
743/2. Абдуллоҳ ибн Бусрдан р.а. ривоят қилинади. Расулуллоҳнинг с.а.в. «ғарро» номли лаганлари бор эди. Уни тўрт киши кўтарар эди. Қачонки чошгоҳ вақти бўлиб, чош гоҳ намозини ўқишгач, ўша лаганга нон тўғраб олиб келишди. Ва ўша лаган атрофида тўпланишди. Қачон кўпчилик йирилганда, Расулуллоҳ с.а.в. чўккалаб ўтирдилар. Шунда бир аъробий: «Бу қанақа ўтириш?» деди. Расулуллоҳ с.а.в. эса: «Аллоҳ мени фазилатли банда қилиб яратган. Мутакаббир ва қайсар этиб яратмаган», деб, кейин яна: «Лаганнинг атрофидаги овқатдан енглар. Тепасидан еманглар. Ўшанда барака бўлади», дедилар. Абу Довуд риволари.
|