537/1. Солим оталари Абдуллоҳдан, Абдуллоҳ эса оталари Умардан р.а. қилган ривоятларида, Умар ибн Хаттоб р.а.: «Расулуллоҳ  с.а.в.  менга ўлжалардан берганларида, мен: «Камбағалроқ кишиларга беринг», дедим. Шунда у зот: «Агар сенга мана шу каби мол келтирилса, таъма, ҳирс қилмаган ва тиланчилик этмаган ҳолда ўша молга эга бўлавер. Агар хоҳласанг, ундан егин. Бўлмаса, садақа қил. Аммо ўзи келмаса, орқасидан югурмагин», дедилар. Солим р.а.: «Отам Абдуллоҳ мана шу суннатга амал қилган ҳолда ҳеч бир кишидан бирор нарса сўрамас ва агар бирор нарса берилса, қайтармас эдилар», деб айтдилар. Имом Бухорий ва Муслим ривоятлари.