Эркаклар эркак сифатида, аёллар аёллик сифатида ўз ўрнига эга бўлиши лозим. Эркаклар ўзларини аёлларга ўхшатса, аёллар эса ўзларини эркакларга ўхшатса, дунё низоми, табият қонуни бузилади. Бинобарин, Расулуллоҳ (с.а.в.) бундай марҳамат қилганлар: 

ليس منا من تشبه بالرجال من النساء ولا من تشبه بالنساء من الرجال
“Биздан эмасдир ўзини экакларга ўхшатган аёл, аёлларга ўхшатган эркак!” (1)
Мусулмонларнинг урф-одатлари, миллий анъана ва қадриятлари ўзига хос бўлиши керак. Ғайридинларга, бошқа миллат вакилларига кўр-кўрона тақлид қилиш исломда қораланади. Жумладан, Расулуллоҳ (с.а.в.) бундай деб марҳамат қилганлар:
ليس منا من تشبه بغيرنا لا تشبهوا باليهود ولا بالنصارى فإن تسليم اليهود الإشارة بالأصابع وتسليم النصارى الإشارة بالأكف
“Биздан эмасдир ўзини биздан бошқага ўхшатган кимса! Яҳудий ва насронийларга ўхшаманглар! Зеро, яҳудийларнинг саломи бармоқлари ила ишора қилиш, насронийларнинг саломи эса кафтлари ила ишора қилишдир”. (2)
Имом Термизий мазкур ҳадисни ривоят қилиб, унинг иснодини заиф деган. (3)
Умуман, мусулмонлардан бошқаларнинг урф-одатларига кўр- кўрона кўнгил қўйиш, эргашиш, тақлид қилиш мақбул иш эмас. Шунинг учун ҳам Расулуллоҳ (с.а.в.) бундай деб марҳамат қилганлар:
ليس منا من عمل بسنة غيرنا
“Биздан эмаслир биздан бошқанинг одатларини қилган кимса!” (4)

***

1. Аҳмад 2/6875; Суютий “Жомеъ ал-аҳодис” 18/19517; “Жомеъ ас-сағир” 3/7678; ал-Муттақий “Канз ал-уммол” 19/41237; Ҳайсамий “Мажмаъ аз-завоид” 8/13196.
2. Табароний “Мўъжам ал-авсат” 7/7380; Суютий “Жомеъ ал-аҳодис” 18/19518; “Жомеъ ас-сағир” 7679; Жазарий “Жомеъ ал-усул” 6/4864; Нававий “ал-Азкор” 1/611; ал-Муттақий “Канз ал-уммол” 3/25333; Ҳайсамий “Мажмаъ аз-завоид” 8/12779; Табризий “Мишкот ал-масобеҳ” 3/4649.
3. Термизий 5/2695.
4. Табароний 11/11335; Дайламий 3/5268; Суютий “Жомеъ ал-аҳодис” 18/19525; ал-Муттақий “Канз ал-уммол” 24/1097.