Исломда маълум бир нарсаларга эътиқод қилиш имон шартларидан ҳисобланади. Эътиқодга содиқ қолиш мусулмонлик белгисидир. Ана шундай ақидалардан бири қаламнинг лавҳу маҳфузга жами яралмишларнинг тақдир – ўлчовларини ёзиб қўйганидир. Кимки бунга ишонмаса, унинг мусулмонлигига зарар етади. Шу ақиданинг муҳимлигини ифодалаб, Расулуллоҳ (с.а.в.) бундай деб марҳамат қилгандилар:
إن أول ما خلق الله القلم فقال له اكتب قال يا رب وما أكتب قال اكتب مقادير كل شىء حتى تقوم الساعة من مات على غير هذا فليس منى
“Аллоҳ яратган нарсаларнинг энг биринчиси қаламдир. Унга: “Ёзгин!” деди. У эса: “Ё раббий, ниманаи ёзаман?” деди. Аллоҳ деди: “Қиёматгача бўладиган ҳар бир нарсаларнинг тақдирларини ёз!”. Кимки мана шудан бошқасининг устида вафот қилса, у мендан эмас!” (1)

***

1. Абу Довуд 4/4700; Байҳақий “Сунан ал-кубро” 10/20664; Суютий “Жамъ ал-жавомеъ” 1/996; ал-Муттақий “Канз ал-уммол” 36/15116.