Инсон кўп қасам ичишдан сақланиши керак. Агар қасам ичишга тўғри келса, фақат Аллоҳнинг номи, сифатлари билан қасам ичиш мумкин. Шу маънода Имом Бухорий ва Имом Муслим томонидан Расулуллоҳнинг (с.а.в.): “Аллоҳ сизларни оталарингиз номи билан қасам ичишдан қайтарди. Кимки қасам ичмоқчи бўлса, Аллоҳ номи билан қасам ичсин ёки жим бўлсин” деган ҳадислари ривоят қилинган. (1) Шу маънода Расулуллоҳ (с.а.в.) бундай деб марҳамат қилганлар:
من حلف بالأمانة فليس منا
“Кимки омонатга қасам ичса, демак, у биздан эмас!” (2)
Бу ерда “омонат” сўзи омонатдорлик ва унинг кўриниши бўлмиш намоз, рўза каби ибодатларни ҳам ангалатади.

***

1. Бухорий 3/2679; 8/6108, 6646; Муслим 3/1646; Термизий 4/1534; Насоий 4/7663; Абу Довуд 3/3251; Байҳақий 10/19610.
2. Абу Довуд 3/3255;  Аҳмад  5/23030; Байҳақий “Сунан ал-кубро” 10/19621; “Шуаб ал-имон” 7/11116; “Маърифат ас-сунан ва-л-асор” 15/5977; Таҳовий “Мушкил ал-асор” 3/1145; Суютий “Жамъ ал-жавомеъ” 1/4790-4791; Баззор 2/4426; Табризий 2/3420; ал-Муттақий “Канз ал-уммол” 22/46339.