20- Али ибн Абу Толибдан ривоят қилинади:
У киши: «Кўп мазийлик киши эдим. Қишда (мазийдан) ювина бошладим, ҳатто белим ёрилиб кетди. Ўшани Набий соллаллоҳу алайҳи ва салламга зикр қилдим ёки у зотга зикр қилинди. У зот менга: «Ундай қилма, агарда мазийни кўрсанг закарингни (жинсий аъзоингни) юв ва намоз учун қиладиган таҳоратингни қил. Бас, сув отилиб чиқсагина ғусл қил» дедилар» деди. Абу Бакр: «Ундай қилма» деган сўзлари гапнинг «зажр» (дўқ-пўписа) туридандир. Мазкур ишнинг вожиблигини рад қилишни ҳоҳламоқдалар.