Бу (ҳукм юқорида) мен сенга билдирган туркумдандир. Албатта Аллоҳ ўз китобида (бирор) ҳукмни бир шартга кўра вожиб қилиши ва худди ўшани набийси соллалоҳу алайҳи ва саллам орқали бошқа бир шарт билан вожиб қилиши мумкин. Чунки Аллоҳ азза ва жалла таҳорат оятида мазийни зикр қилмади. Набий соллаллоҳу алайҳи ва салам эса, мазийдан таҳорат қилишни вожиб қилдилар, қадимда ва ҳозирда (турли) диёр уламолари мазийдан таҳорат қилиш вожиблигига иттифоқ қилганлар.

17-Али ибн Абу Толибдан ривоят қилинади:
У киши: «Кўп мазийлик киши эдим. Бас, Росулуллоҳ соллаллоҳу алайҳи ва салламдан сўрашга ҳаё қилдим, чунки қизлари менда (жуфти ҳалолим) эди. Бир кишига буюрдим, бас у сўради. «Мазийдан таҳорат» дедилар» деди.
«Мазий» эркак кишининг жинсий аъзосидан жинсий алоқани ўйлаган ёки хотинини қучоқлаган пайтда чиқадиган оқ суюқлик.

19-Али розияллоҳу анҳудан ривоят қилинади:
У киши: «Фотима туфайли Росулуллоҳ соллаллоҳу алайҳи ва салламдан мазий ҳақида сўрашга ҳаё қилдим. Бас, Миқдод ибн ал-Асвадга буюрдим, у Набий соллаллоҳу алайҳи ва салламдан сўради. У зот: «Ундан таҳорат» дедилар» деди.