21-Миқдод ибн ал-Асваддан ривоят қилинади:
«Албатта Али ибн Абу Толиб Росулуллоҳ соллаллоҳу алайҳи васалламдан аёлига яқинлашганда мазий чиққан киши нима қилиши кераклиги ҳақида сўрашни (Миқдодга) буюрдилар. Али: «Росулуллоҳ соллаллоҳу алайҳи васалламнинг қизлари менда (никоҳимда) бўлгани учун мен у зотдан сўрашга ҳаё қиламан» дедилар. Миқдод: «У нарса ҳақида Росулуллоҳ соллаллоҳу алайҳи васалламдан сўрадим, бас у зот: «Бирингиз ўша нарсани (ўзида) топса, фаржини ювсин ва намоз учун қиладиган таҳоратни қилсин» дедилар» деди.

22-Ибн Аббосдан ривоят қилинади:
«Али ибн Абу Толиб: «Миқдод ибн ал-Асвадни Росулуллоҳ солаллаҳу алайҳи ва салламга юбордим, бас (Миқдод) у зотдан мазий чиққан инсон қандай иш тутади, деб сўради.  Росулуллоҳ солаллаҳу алайҳи ва саллам: «Фаржингни юв ва таҳорат қил» дедилар» деди.