13. Ҳузайфа розияллоҳу анҳудан ривоят қилинади: «Набий соллаллоҳу алайҳи васаллам бир қавмнинг аҳлатхонасига келдилар ва ўша ерга тик туриб бавл қилдилар. Мен таҳорат сувини у кишига олиб бордим-да, узоқроқда туриш учун кетдим. У зот мени чақирдилар, мен (шундоққина) орқаларига (бориб) турдим. У зот таҳорат қилдилар ва икки махсиларига масх тортдилар. Вакиъ: «Масх тортиш хусусида Росулуллоҳ соллаллоҳу алайҳи васалламдан ривоят қилинган ҳадисларнинг энг саҳиҳи шудир», деди. Абу Ийсо: «Муғийра ибн Шўъба розияллоҳу анҳу ҳам Росулуллоҳ соллаллоҳу алайҳи васалламдан ривоят қилган. Аммо Абу Ҳузайфа розияллоҳу анҳудан ривоят қилинган ҳадис саҳиҳроқдир». Аҳли илмлардан бир жамоаси туриб бавл қилишга рухсат берганлар.
|