12. Оиша розияллоҳу анҳо: «Кимки сизга «Росуллулоҳ соллаллоҳу алайҳи васаллам турган ҳолда бавл қилганлар», деб айтса, унга мутлақо ишонманг, у зот фақат ўтирган ҳолда бавл қилардилар», дедилар. Абу Ийсо: «Бу бобда Умар, Бурайда ва Абдурраҳмон ибн Ҳасана розияллоҳу анҳулардан ривоятлар бор. Оиша розияллоҳу анҳонинг ҳадислари бу бобдаги энг ҳасан ва энг саҳиҳ ҳадисдир», дейдилар. Умар розияллоҳу анҳудан Абдуллоҳ ибн Умар ривоят қиладилар: «Набий соллаллоҳу алайҳи васаллам турган ҳолда бавл қилаётганимни кўрдилар ва «Эй Умар, турган ҳолда бавл қилма», дедилар. Шундан сўнг ҳечам туриб бавл қилмадим». Абу Ийсо: «Бу ҳадисни Абдулкарим ибн Абул Муҳариқ «Росуллулоҳ соллаллоҳу алайҳи васаллам айтганлар» деб ривоят қилган. Абдулкарим аҳли ҳадисларнинг наздида заифдир (ишончсиз). Убайдуллоҳ Нофеъ ибн Умардан қилган ривоятда эса у киши «Умар розияллоҳу анҳу «Мусулмон бўлганимдан буён туриб бавл қилмаганман», дедилар», дейилади», деганлар. Бу ривоят Абдулкаримнинг ҳадисидан саҳиҳроқдир. Бурайда розияллоҳу анҳунинг ҳадислари ҳам ишончли эмас. Бу қайтариш туриб бавл қилишнинг ҳаромлиги учун эмас, балки одоб юзасидандир. Абдуллоҳ ибн Масъуддан «Туриб бавл қилишинг одобсизликдир», деганлари ривоят қилинган.
|