301- Анас ибн Молик розияллоҳу анҳудан ривоят қилинади: Расулуллоҳ соллаллоҳу алайҳи васаллам бир отга миниб ... , бас намозлардан бирини ўтирган ҳолларида ўқидилар биз ҳам орқаларида ўтириб намоз ўқидик, ўгирилганларида (намозни тугатиб ўгирилганларида) шундай дедлар: Албатта имом унга эргашиш учун қўйилган (имом қилинган), бас агар туриб намоз ўқиса сизлар ҳам туриб ўқинг, агар рукуъ қилса рукуъ қилинг, агар (рукуъдан) бошини кўтарса сиз ҳам кўтаринг, агар сами Аллоҳу лиман ҳамидаҳ деса сиз роббана валакал ҳамд денг, агар у ўтириб намоз ўқиса ҳаммангиз ўтириб ўқинг.    

302- Набий соллаллоҳу алайҳи васалламнинг аёллари Оиша розияллоҳу анҳанинг шундай деганлари ривоят қилинади: Расулуллоҳ соллаллоҳу алайҳи васаллам оғриб турганларида ўтириб намоз ўқидилар, орқларида бир гуруғ кишилар туриб ўқишди, шунда уларга ўтиринглар деб ишора қилдилар, (намоздан ўгирилганларида) тугатганларида шундай дедилар: Албатта имом унга эргашиш учун қўйилган (имом қилинган), агар рукуъ қилса рукуъ қилинг, агар (рукуъдан) бошини кўтарса сиз ҳам кўтаринг, агар у ўтириб намоз ўқиса сиз ҳам ўтириб ўқинг.    
 
303- Ҳишом ибн Урвадан, у отасидан ривоят қилади: «Албатта расулуллоҳ соллаллоҳу алайҳи васаллам беморлик чоғларида чиқдиларда Абу Бакрниг имомлик қилаётганларини кўрдилар, Абу Бакр орқага тисарила бошлади. У зот унга, қандоқ бўлсанг, шундоқ туравер, деб ишора қилдилар. Бас Расулуллоҳ соллаллоҳу алайҳи васаллам Абу Бакрнинг ёнига ўтирдилар. Абу Бакр Расулуллоҳ соллаллоҳу алайҳи васалламнинг намозларига, одамлар Абу Бакрнинг намозига эргашиб намоз ўқидилар».