260- Набий соллаллоҳу алайҳи васалламнинг аёлари Оиша розияллоҳу анҳадан ривоят қилинади: Расулуллоҳ соллаллоҳу алайҳи васаллам тунда ўн бир ракат намоз ўқир эдилар шундан (ракатлардан) биттасини тоқ қилар эдилар, тугатганларида ўнг ёнбошларига ётар эдилар.
261- Абу Салама ибн Абдурраҳмон ибн Авф розияллоҳу анҳудан ривоят қилинади: «У киши Оиша розияллоҳу анҳодан: «Расулуллоҳ соллаллоҳу алайҳи васалламнинг рамазондаги намозлари қандоқ бўлган?» деб сўралганда: «Расулуллоҳ соллаллоҳу алайҳи васаллам Рамазонда ҳам, ундан бошқа пайтда ҳам ўн бир ракатдан зиёда қилмас эдилар. Аввал тўрт ракат ўқирдилар. Уларнинг гўзаллиги ва узунлигини асти сўрама. Кейин яна тўрт ракат ўқир эдилар. Уларнинг гўзаллиги ва узунлигини асти сўрама. Сўнгра уч ракат ўқир эдилар. Мен: «Ё Аллоҳнинг Расули, витр ўқишдан олдин ухлайсизми?» дедим. У зот: «Эй Оиша, албатта, менинг кўзларим ухлар, қалбим ухламас», дедилар».
262- Мўминларнинг онаси Оиша розияллоҳу анҳонинг шундай деганлари ривоят қилинади: Расулуллоҳ соллаллоҳу алайҳи васаллам тунда ўн уч ракат намоз ўқир эдилар, агар бомдодга азонни эшитсалар енгил икки ракат намоз ўқирдилар.
263- Ибн Аббоснинг мавлолари Курайбдан ривоят қилинади: унга Абдуллоҳ ибн Абос шундай деб хабар бердилар: у киши тунда Набий соллаллоҳу алайҳи васалламнинг аёлари Маймунанинг уйлари тунадим, ва у киши ибн Аббоснинг холалари, у (ибн Аббос) шундай деди: мен кўрпанинг энига ён бошладим Расулуллоҳ соллаллоҳу алайҳи васаллам ва аҳлилари узунасига ён бошладилар, бас Расулуллоҳ соллаллоҳу алайҳи васаллам ухладилар тун ярмига келганда ёки ундан олдинроқ ёки кечроқ уйғодиларда юзларидан уйқуни қўллари билан ишқаладилар (арттилар), сўнг Оли-Имрон сурасидан охирги ўн оятни ўқидилар, сўнг осилган мешга турдилар ва ундан яхшилаб таҳорат қилдилар, сўнг намоз ўқий бошладилар, Ибн Аббос шундай дедилар: бас туриб у зот қилганларидек қилдим, снг бориб ёнларида турдим, бас Расулуллоҳ соллаллоҳу алайҳи васаллам ўнг қўлларини бошимга қўйдилар ва ўнг қулоғимни бурадилар. Бас икки ракат намоз ўқидилар, сўнг икки ракат, сўнг икки ракат, сўнг икки ракат, сўнг икки ракат, сўнг икки ракат, сўнг тоқ (витр) ўқидилар, сўнг то муаззин келгунча ён бошладилар, бас енгил икки ракат намоз ўқиб кейин чиқиб бомдодни ўқидилар.
264- Зайд ибн Холид ал-Жуҳаний розияллоҳу анҳудан ривоят қилинади: «У киши, бу кеча, албатта, Расулуллоҳ соллаллоҳу алайҳи васалламнинг намозларини кўз узмай кузатаман. Остоналарини ёки чодирларини болиш қилиб олдим», деди». Бас, Равулуллоҳ соллаллоҳу алайҳи васаллам туриб узундан узун икки ракат ўқидилар. Сўнг икки ракат ўқидилар. Бу иккови ўзларидан олдинги икки ракатдан қисқароқ эди. Яна икки ракат ўқидилар. Бу иккови ўзларидан олдинги икки ракатдан қисқароқ эди. Яна икки ракат ўқидилар. Бу иккови ўзларидан олдинги икки ракатдан қисқароқ эди. Яна икки ракат ўқидилар. Бу иккови ўзларидан олдинги икки ракатдан қисқароқ эди. Яна икки ракат ўқидилар. Бу иккови ўзларидан олдинги икки ракатдан қисқароқ эди. Сўнгра витр ўқидилар. ҳаммаси ўн уч ракат».
|