Саъдий отасидан ёки амакисидан ривоят қилади: “Набий соллаллоҳу алайҳи васалламни намозларида кузатдим. У зот рукуълари ва саждаларида “Субҳаналлоҳи ва биҳамдиҳи”ни уч бор айтиш миқдорича турардилар”.
Абдуллоҳ ибн Масъуд розияллоҳу анҳу айтади: “Расулуллоҳ соллаллоҳу алайҳи васаллам: “Қачон бирингиз рукуъ қилса уч марта “Субҳана Робиял Ъазийм” десин. Мана шу энг ози. Қачон сажда қилса уч марта “Субҳана Роббиял Аъла” десин. Мана шу энг ози”, дедилар”. Абу Довуд айтади: "Бу мурсалдир. Авн Абдуллоҳни кўрмаган".
Исмоил ибн Умайя айтади: “Бир аъробийнинг шундай деяётганини эшитдим: “Абу Ҳурайра розияллоҳу анҳунинг шундай деяётганини эшитдим: “Расулуллоҳ соллаллоҳу алайҳи васаллам: “Сизлардан ким “Ват тийни ваз зайтуни”ни қироат қилиб, охирига етганда: “Аллоҳ ҳукм қилгувчиларнинг энг зўри эмасми?!”, “Албатта шундай, ва мен ана шунга шоҳидларданман”, десин. Ким “Ла уқсиму биявмил қияма”ни қироат қилиб: “Ана ўша Зот ўликларни тирилтиришга қодир эмасми?!”га етса “Албатта шундай, десин. Ким “Вал мурсалати”ни ўқиб “Бас, ундан ўтиб қайси сўзга ишонадилар?!”га етса, “Аллоҳга иймон келтирдик”, десин”, дедилар. Исмоил айтади: “Аъробий кишига (ҳадисни) қайтариш учун бордим. Шояд у (ҳадис ҳифзида) хато қилган деб қарадим. Шунда у: “Эй биродаримнинг ўғли, албатта мен буни ёдламаганман, деб гумон қиласанми?! Дарҳақиқат етмиш марта ҳаж қилдим. Улардан бирорта ҳаж йўқ-ки, унинг устида ҳаж қиган туямни танийман”, деди.
Анас ибн Молик розияллоҳу анҳу айтади: “Расулуллоҳ соллаллоҳу алайҳи васалламдан кейин ушбу йигитдан – яъни Умар ибн Абдулазиздан – бошқа бирор кишининг ортида Расулуллоҳ соллаллоҳу алайҳи васалламнинг намозларига ўхшаш намозни ўқимадим”, деди. “Рукуъларида ўнг тасбеҳ миқдорини ва саждаларида ўн тасбеҳ миқдорини ўлчардик”, деди. Абу Довуд айтади: "Аҳмад ибн Солиҳ айтади: “Унга Монусни ёки Мобусми?” дедим. “Аммо Абдурраззоқ Мобус деяпти, менинг ёдимда эса Монусдир", деди. Бу Ибн Рофеънинг лафзидир. Аҳмад Саъийд ибн Жубайрдан айтади. У Анас ибн Моликдан ривоят қилган”.
|