Жобир ибн Самура розияллоҳу анҳудан ривоят қилинади: “Расулуллоҳ соллаллоҳу алайҳи васаллам Пешин ва Асрда “Вас-Самаи ват Ториқ” ва “Вас-Самаи затил Буруж” ва шунга ўхшаш суралардан қироат қилар эдилар”.
Жобир ибн Самура (розияллоҳу анҳу) шундай деди: “Расулуллоҳ соллаллоҳу алайҳи васаллам агар, қўёш оғса пешинни ўқирдилар ва “Валлайли иза яғша”га ўхшашини қироат қилардилар. Асрда ҳам худди шундай ва бошқа намозларда ҳам худди шундай (қироат қилардилар). Фақат бомдодда қироатни узун қилардилар”.
Ибн Умар (розияллоҳу анҳу)дан ривоят қилинади: “Албатта, Набий соллаллоҳу алайҳи васаллам пешин намозида сажда қилардилар. Сўнгра туриб, рукуъ қилардилар. Бас, биз у зотнинг “Танзил ас-сажда”ни қироат қилганларини кўрардик”. Ибн Ийсо шундай деди: “Умайяни Муътамирдан бошқа ҳеч ким зикр қилмаган”.
Абдуллоҳ ибн Убайдуллоҳ шундай деди: “Бани Ҳошимдан бўлган йигитлар орасидаги ибн Аббос (розияллоҳу анҳу)нинг олдига кирдим. Биз ўзимиздан бўлган бир йигитга: “Ибн Аббосдан сўрачи, Расулуллоҳ соллаллоҳу алайҳи васаллам пешин ва асрда қироат қилармидилар?” дедик. У: “Йўқ, йўқ”, деди. Унга: “Балки ичларида ўқигандирлар?” дейилди. Унга жаҳл қилиб: “Бу аввалги (савол)дан ҳам ёмонроқ бўлди. У зот ўзлари юборилган нарсани етказишга маъмур бўлган банда эдилар. Бизни (Бани Ҳошимни) бошқа инсонлардан бирор нарсада хосламадилар. Фақат уч хислатда (хосладилар). Бизни таҳоратни комил қилмоқлигимизга, садақа емаслигимизга ва эшакни отга (насл олиш учун) қўшмаслигимизга буюрдилар” .
Ибн Аббос (розияллоҳу анҳу)дан ривоят қилинади. У шундай деди: “Расулуллоҳ соллаллоҳу алайҳи васалламнинг пешин ва асрда қироат қилармидилар ёки йўқлигини билмас эдим”.
|