Ибн Зубайр розияллоҳу анҳу айтади:
“Икки қадамни саф қилиш ва қўлни қўлнинг устига қўйиш суннатдандир”.

Ибн Масъуд розияллоҳу анҳумодан ривоят қилинади:
“У намоз ўқиганда чап қўлини ўнг қўли утига қўярди. Набий соллаллоҳу алайҳи васаллам уни кўриб, ўнг қўлини чап қўли устига қўйдилар”.

Алий розияллоҳу анҳу айтади:
“Намозда кафтни кафтнинг устига қўйиб, киндик остига қўйиш суннатдандир”. 

Ибн Жарир ад-Доббий отасидан ривоят қилади:
“Алий розияллоҳу анҳуни чап қўли русуғидан ўнг қўли билан ушлаб, (икки қўли) киндикдан юқорида турганини кўрдим”. Абу Довуд айтади: "Саъийд ибн Жубайрдан қилинган ривоятда киндикдан юқорида, (дейилган). Абу Мижлаз: “Киндикдан пастда”, деган. Абу Ҳурайрадан ривоят қилингани кучли эмасдир. ".

Абу Ҳурайра розияллоҳу анҳу айтади:
“Намозда кафтларни кафтлар устида ушлаш киндик остида (бўлади)”. Абу Довуд айтади: "Аҳмад ибн Ҳанбалдан Абдурраҳмон ибн Исҳоқ ал-Куфийни заиф санаганини эшитдим".

Товус айтади:
“Расулуллоҳ соллаллоҳу алайҳи васаллам намоздаликларида ўнг қўлларини чап қўллари устига қўярдилар. Сўнгра улар орасини кўкраклари устида боғлардилар”.