Алқамадан ривоят қилинади:
“Абдуллоҳ ибн Масъуд розияллоҳу анҳу:
“Сизларга Расулуллоҳ соллаллоҳу алайҳи васалламнинг намозларини ўқиб берайми?” деди. “Шунда намоз ўқиб икки қўлини бир марта кўтарди”, деди. Абу Довуд айтади: "Бу ҳадис узун ҳадисдан қисқартириб олинган ва у шу лафзга кўра саҳиҳ эмасдир".

Суфён буни шунинг исноди билан айтади: “Бас икки қўлини биринчи мартада кўтарди”. Уларнинг баъзилари “бир марта” дейишган.

Баро розияллоҳу анҳумодан ривоят қилинади:
“Расулуллоҳ соллаллоҳу алайҳи васаллам қачон намозни бошласалар икки қўлларини қулоқларига яқин кўтарардилар. Сўнгра (бу кўтаришни) қайтармасдилар”.

Суфён Язиддан Шурайкнинг ҳадисига ўхшашини айтиб бераркан: “Сўнгра (бу кўтаришни) қайтармасдилар”ни айтмади. Суфён айтади: “Бизга бундан кейин Куфада “Сўнгра (бу кўтаришни) қайтармасдилар”ни айтди”. Абу Довуд айтади: "Бу ҳадисни Ҳушайм, Холид, Ибн Идрис ва Язидлар ривоят қилишиб “Сўнгра (бу кўтаришни) қайтармасдилар”ни зикр қилишмаган".

Баро ибн Озиб розияллоҳу анҳу айтади:
“Расулуллоҳ соллаллоҳу алайҳи васалламни намозни бошлашда икки қўлларини кўтарганларини кўрдим. Кейин уларни то тугутгунча кўтармасдилар”. Абу Довуд айтади: "Бу ҳадис саҳиҳ эмасдир".

Абу Ҳурайра розияллоҳу анҳу айтади:
“Расулуллоҳ соллаллоҳу алайҳи васаллам қачон намозга киришсалар икки қўлларини чўзган ҳолда кўтарардилар”.