Амр ибн Шуайб дадасидан, у бобосидан ривоят қилади. У шундай деди:
“Биз Расулуллоҳ соллаллоҳу алайҳи васаллам билан бирга изхирзор Санийя*га тушганимизда, намоз вақти бўлиб қолди – яъни деворга қараб, уни қибла қилиб намоз ўқидилар. Биз орқаларида эдик. Бир қўзичоқ келиб олдиларидан ўтмоқчи бўлди. У зот уни қайтарар эканлар ҳатто қоринлари деворга тегди. Қўзичоқ орқаларидан ўтиб кетди”.
Ёки Мусаддад айтганидек.

* Изхирзор Санийя Макка ва Мадина орасидаги жой.


 Ибн Аббосдан ривоят қилинади:
“Албатта, Набий соллаллоҳу алайҳи васаллам намоз ўқир эдилар, бир эчки боласи олдиларидан ўтмоқчи бўлди. Уни (ўтказишдан) сақландилар”.