Толҳа ибн Убайдуллоҳ (розияллоҳу анҳу)дан ривоят қилинади. У шундай деди: “Расулуллоҳ соллаллоҳу алайҳи васаллам: “Қачонки олдинга эгар суянчиғичалик нарсани қўйсанг, олдингдан ўтганнинг сенга зарари тегмайди”, дедилар”.
Ато шундай деди: “Эгар суянчиғи бир зироъ ва ундан ортиқроқдир”.
Ибн Умар (розияллоҳу анҳу)дан ривоят қилинади: “Албатта, Расулуллоҳ соллаллоҳу алайҳи васаллам қачон ийд куни чиқсалар, бир калта найзани олдиларига қўймоққа амр қилар эдилар. Бас, у зот ўшанга қараб, одамлар эса, у кишининг орқаларидан намоз ўқир эдилар. Шу ишни сафарда ҳам қилар эдилар. Ана шундан амирлар (ийд ва жумада) буни ушлаб олишади”.
Абу Жуҳайфадан ривоят қилинади: “Албатта, Набий соллаллоҳу алайҳи васаллам улар билан Батҳо*дан намоз ўқидилар. Олдиларида учи темирлик ҳасса бор эди. пешинни икки ракат ва аср икки ракат (ўқидилар). Ҳассанинг ортидан аёл ва эшак ўтиб турарди”.
*Батҳо – Макка ташқарисидаги жой.
|