Ҳасандан ривоят қилинади:
“Албатта, Абу Бакра (розияллоҳу анҳу) ҳадис айтиб берди. Масжидга кирса, Аллоҳнинг Набийси соллаллоҳу алайҳи васаллам рукуъ қилган ҳолда эканлар. У шундай деди:
“Сафга етмасдан мен ҳам рукуъ қилдим. Бас, Набий соллаллоҳу алайҳи васаллам:
“Аллоҳ ҳирсингни зиёда қилсин, қайта бундоқ қилма”, дедилар”.

Ҳасандан ривоят қилинади.
“Албатта, Абу Бакра келганида Расулуллоҳ соллаллоҳу алайҳи васаллам рукуъ ҳолида эдилар. У сафга етмасдан рукуъ қилди. Сўнгра сафгача юриб борди. Набий соллаллоҳу алайҳи васаллам намозларини тугатгач:
“Сафга етмай рукуъ қилган сўнгра сафгача юриб келган қайси бирингиз?” дедилар. Абу Бакра:
“Мен”, деди. Набий соллаллоҳу алайҳи васаллам:
“Аллоҳ ҳирсингни зиёда қилсин, қайта бундоқ қилма”, дедилар”.
Абу Довуд шундай деди: “Зиёд ал-Аълам бу Зиёд ибн Фулон ибн Қуррадир ва у Юнус ибн Убайдуллоҳнинг холасининг ўғлидир”.