Муҳаммад ибн Зайд ибн Қунфуз онасидан ривоят қилади. У Умму Саламадан сўради: “Аёл киши қандоқ кийимда намоз ўқийди?”. У киши: “У химор*да ва бутун жисмини тўсиб, икки қадамининг устини бекитиб турадиган тўсувчи диръ*да намоз ўқийди”, дедилар”.
*Рўмол. *Диръ деб оёқ ва баданни ўраб турадиган аёллар кийимига айтилади.
Умму Саламадан ривоят қилинади. У киши Набий соллаллоҳу алайҳи васалламдан: “Аёл киши изорсиз, диръ ва рўмолда намоз ўқийдими?” деб сўради. У зот: “Агар диръ тўсувчи бўлиб, икки қадамнинг устини ўраб олса (бўлади)”, дедилар. Абу Довуд шундай деди: “Бу ҳадисни Молик ибн Анас, Бакр ибн Мудор, Ҳафс ибн Ғиёс, Исмоил ибн Жаъфар, ибн Абу Зеъб ва ибн Исҳоқлар Муҳаммад ибн Зайддан, у онасидан, у эса Умму Саламадан ривоят қилганда бирорталари Набий соллаллоҳу алайҳи васалламни зикр қилишмаган. Барчалари уни Умму Салама розияллоҳу анҳога тўхтатганлар”.
|