Анасдан ривоят қилинади:
“Албатта, Расулуллоҳ соллаллоҳу алайҳи васаллам Умму Ҳаромнинг олдига кирдилар. Улар ёғ ва ҳурмо келтиришди. У зот соллаллоҳу алайҳи васаллам:
“Буни қопига, буни идишига қайтариб солинглар, албатта, мен рўзаман”, дедилар. Сўнгра туриб биз билан икки ракат нафл намоз ўқидилар. Умму Сулайм ва Умму Ҳаром орқамизда турди”. (Анасдан ривоят қилаётган) Собит шундай деди: “Анаснинг:
“Мени ўнг томонларидан кўрпачага турғаздилар”, деганини биламан”.

Анас розияллоҳу анҳудан ривоят қилинади:
“Албатта, Расулуллоҳ соллаллоҳу алайҳи васаллам:
“Расулуллоҳ соллаллоҳу алайҳи васаллам унга ва улардан бир аёлга имомлик қилдилар. Бас, уни ўнг томонларига, аёлни эса орқаларига қўйдилар”.

Ибн Аббосдан ривоят қилинади. У шундай деди:
“Холам Маймунанинг уйларида тунаб қолдим. Бас, Расулуллоҳ соллаллоҳу алайҳи васаллам кечаси туриб мешни очдилар ва таҳорат қилдилар. Сўнг мешни маҳкамладилар. Кейин намоз ўқишга турдилар. Мен ҳам туриб у зот қилганларидек таҳорат қилдим. Кейин бориб чап томонларидан турдим. У зот мени ўнг қўллари билан ушлаб ортларидан айлантирдиларда, ўнг тарафларига турғазиб қўйдилар. Бас у зот соллаллоҳу алайҳи васаллам билан бирга намоз ўқидим”.

Ибн Аббосдан ушбу қисса ривоят қилиниб, шундай деди:
“Бошимдан ёки кокилимдан ушлаб ўнг томонларига турғазиб қўйдилар”.