Абу Умайр ибн Анас ансорлардан бўлган амакисидан ривоят қилади. У шундай деди: “Набий соллаллоҳу алайҳи васаллам инсонларни намозга қандай жамлашлик маслаҳатини қилдилар. У зот соллаллоҳу алайҳи васалламга: “Намоз вақти бўлганда байроқ тикинг, агар уни кўрсалар баъзилар баъзиларига (намоз вақти бўлганлигини) эълон қилади”, дейилди. Бу Набий соллаллоҳу алайҳи васалламга хуш ёқмади”. Ровий шундай деди: “У зот соллаллоҳу алайҳи васалламга бурғу чалиш таклиф қилинди”. Зиёд шундай деди: “Яҳудийлар бурғуси”, бу ҳам Пайғамбар алайҳиссаломга хуш ёқмади ва: “Бу яҳудийларнинг ишидан”, дедилар”. Абу Умайрнинг амакиси шундай деди: “У киши соллаллоҳу алайҳи васалламга қўнғироқ чалиш зикр қилинганда: “Бу насороларнинг иши”, дедилар. Роббисининг қулининг ўғли Абдуллоҳ ибн Зайд бурилиб кетди. У ҳам Расулуллоҳ соллаллоҳу алайҳи васалламнинг ташвишлари билан эди. Уйқусида унга азон кўрсатилди. Ровий шундай деди: “Тонг отгач Расулуллоҳ соллаллоҳу алайҳи васалламнинг ҳузурларига келиб, унинг хабарини берди: “Эй Аллоҳнинг Расули, албатта мен уйқу ва уйғоқлик орасида эдим. Тўсатдан бир келувчи келиб, менга азонни ўргатди”. Ровий шундай деди: “Умар ибн Хаттоб розияллоҳу анҳу ҳам бундан олдин ушбуни кўрган эди ва уни йигирма кун беркитди”. Ровий шундай деди: “Сўнгра Набий соллаллоҳу алайҳи васалламга бунинг хабарини бергач, у зот соллаллоҳу алайҳи васаллам унга: “Бунинг хабарини менга айтишингдан сени нима тўсди”, дедилар. Умар ибн Хаттоб розияллоҳу анҳу: “Мендан Абдуллоҳ ибн Зайд ўтиб кетди, мен эса ҳаё қилдим”, деди. Расулуллоҳ соллаллоҳу алайҳи васаллам: “Эй Билол, тур! Сенга Абдуллоҳ ибн Зайд буюрадиган нарсани ўрганиб, ўшани бажаргин”, дедилар. Ровий шундай деди: “Билол азон айтди”. Абу Бишр шундай деди: “Менга Абу Умайр хабар берди: “Албатта, ансорийлар, агарда ўша куни Абдуллоҳ ибн Зайд касал бўлмаганида, Расулуллоҳ соллаллоҳу алайҳи васаллам уни муаззин қилиб тайинлардилар, деган гумонга боришди”.
|