Ҳаммам ибн Ҳорисдан ривоят қилинади: “У Оиша розияллоҳу анҳонинг ҳузурида эҳтилом бўлиб қолди. Жория уни Оиша розияллоҳу анҳога кўрсатди. У кийимидан жанобатнинг изини ёки кийимини юваётганида жория Оиша розияллоҳу анҳога хабар берди. Шунда Оиша розияллоҳу анҳо: “Ўзимни ўйладим. Мен уни Расулуллоҳ соллаллоҳу алайҳи васалламнинг кийимларидан ишқалаб чиқарар эдим”, деди”. Абу Довуд шундай деди: “Бу ҳадисни Ҳакам ривоят қилганидек, Аъмаш ҳам ривоят қилган”.
Оиша розияллоҳу анҳодан ривоят қилинади. У киши шундай деди: “Мен Расулуллоҳ соллаллоҳу алайҳи васалламнинг кийимларидан манийни ишқалаб чиқарар, у зот соллаллоҳу алайҳи васаллам ўша кийимда намоз ўқир эдилар”. Абу Довуд шундай деди: “Муғийра, Абу Маъшар ва Восиллар Ҳаммодга мувофиқ қилишган”.
Сулаймон ибн Ясор Оиша розияллоҳу анҳонинг шундай деяётганларини эшитганман дегани ривоят қилинади: “Албатта, у киши Расулуллоҳ соллаллоҳу алайҳи васалламнинг кийимларига теккан манийни ювар эди. Оиша розияллоҳу анҳо: “Кейин унда олачипорликни ёки олачипор доғни кўрар эдим”, деди”.
|