Маймуна розияллоҳу анҳодан ривоят қилинади:
“Албатта, Расулуллоҳ соллаллоҳу алайҳи васалламаёлларидан бир аёлни, у ҳайз ҳолатида бўлиб, агар унда икки сони ярмигача ёки икки тиззаларигача тўсиб турган изор бўлса, қучоқлар эдилар”.

Оиша розияллоҳу анҳо шундай деди:
“Расулуллоҳ соллаллоҳу алайҳи васалламбизнинг биримизга агар ҳайзли бўлса, иштон кийиб, сўнгра эри билан ётишга буюрар эдилар”.
Шуъба бир марта “Уни қучоқлашга”, деди.

Хилос ал-Ҳажарий, Оиша розияллоҳу анҳонинг шундай деганини эшитдим, деди:
“Мен ва Расулуллоҳ соллаллоҳу алайҳи васаллам иккимиз кечаси бир кийим ичида ётар эдик. Ҳолбуки, мен ҳайзли бўлиб, қон оқиб турган бўлар эди. Агар мендан у зотга бирор нарса тегса, ўша жойни ювар эдилар. Бошқа жойга ўтмас эдилар. Сўнгра ўша кийим ила намоз ўқир эдилар ва агар қондан бирор нарса тегса, яъни у зот соллаллоҳу алайҳи васалламнинг кийимларига, ўша жойни ювар эдилар бошқа жойга ўтмас эдилар. Сўнгра ўша кийим ила намоз ўқирдилар”.

Умора ибн Ғуробнинг аммаси Оиша розияллоҳу анҳодан сўради. Оиша розияллоҳу анҳо шундай деди:
“Бизлардан биримиз ҳайз кўрар ва у билан эрининг фақат биттагина тўшаги бўларди”.
Оиша розияллоҳу анҳо шундай деди:
“Расулуллоҳ соллаллоҳу алайҳи васалламкечқурун кирганларида, мен ҳайз ҳолатида эканман, нима қилишларини сенга хабарини бераман. Масжидларида бир муддат бўлардилар. – Абу Довуд айтади: “Яъни уйларининг масжидида – ҳатто кўзимга уйқу ғолиб келгунча ва совуқ у зот соллаллоҳу алайҳи васалламга таъсир қилгунча келмас эдилар. Бас у зот соллаллоҳу алайҳи васаллам:
“Менга яқинроқ кел”, дедилар. Мен:
“Ахир ҳайзлиман”, дедим.
“Ундай бўлса, икки сонингни оч”, дедилар. Мен икки сонимни очдим. У зот соллаллоҳу алайҳи васалламбетларини ва кўкракларини икки сонимга қўйдилар. Мен у зот соллаллоҳу алайҳи васалламга токи исиб, ухлагунларича энгашиб турдим”.

Оиша розияллоҳу анҳо шундай деди:
“Агар ҳайз кўриб қолсам, тўшакдан бўйрага тушиб олар едим. Росулуллоҳ соллаллоҳу алайҳи васалламга яқинлашмас едик ва у зот соллаллоҳу алайҳи васалламдан ҳатто покланмагунимизча узоқлашмасдик”

Набий соллаллоҳу алайҳи васалламнинг баъзи аёлларидан ривоят қилинади:
“Албатта, Набий соллаллоҳу алайҳи васалламагар ҳайзли аёлдан бирор нарса хоҳласалар унинг фаржига мато ташлаб қўяр едилар”.

Оиша розияллоҳу анҳодан ривоят қилинади. У шундай деди:
“Расулуллоҳ  соллаллоҳу алайҳи васаллам бизни  ҳайзимиз аввалида киндик ва тизза орасида беркитиб олмоғимизга буюрар эдилар. Сўнгра бизни қучоқлар эдилар. Сизлардан қайси бирингиз ўз нафси хоҳишига Расулуллоҳ соллаллоҳу алайҳи васаллам каби молик бўла олади”.