Оиша розияллоҳу анҳодан ривоят қилинади:
“Албатта, ансорий аёл Умму Сулайм – у Анас ибн Моликнинг онасидир – шундай деди:
“Эй Аллоҳнинг Расули! Албатта, Аллоҳ азза ва жалла ҳақдан ҳаё қилмас. Аёл киши агар уйқусида эркак кўрган нарсани кўрса, ғусл қиладими ёки йўқми?”. Оиша розияллоҳу анҳо шундай деди:
“Набий соллаллоҳу алайҳи васаллам ):
“Ҳа! Агар сувни (яъни манийни) топсанг, ғусл қил!”-дедилар. Оиша розияллоҳу анҳо шундай деди:
“Мен унга ўгирилиб:
“Сенга уфф бўлсин! Аёл ўшани кўрадими?”- дедим. Шунда Расулуллоҳ соллаллоҳу алайҳи васаллам ) менга юзланиб:
“Ўнгинг тупроққа қорилгур, эй Оиша! Унда ўхшашлик нимадан?!”- дедилар”.
Абу Довуд айтади: “Шунингдек, Уқайл, Зубайдий, Юнус ва Зуҳрийнинг акасини ўғли Зуҳрийдан, Иброҳийм ибн Абул Вазир Моликдан, у эса Зуҳрийдан ривоят қилган. Зуҳрийга Мусофеъ ал-Ҳажабий мувофиқ келган. У: “Урвадан, Урва эса Оишадан”, деган. Аммо Ҳишом ибн Урва Урвадан, у эса Зайнаб бинти Абу Саламадан, у Умму Саламадан ривоят қилганида:
“Албатта Умму Сулайм Расулуллоҳ соллаллоҳу алайҳи васаллам нинг олдиларига келди”, деди”.