Жасра бинти Дижажа шундай деди: “Оиша розияллоҳу анҳодан шундай деганини эшитдим: “Расулуллоҳ соллаллоҳу алайҳи васаллам келдилар, саҳобалари уйларининг эшиги масжидга очилган эди. У зот соллаллоҳу алайҳи васаллам: “Мана бу уйларни масжиддан бошқа томонга юзлантиринглар”, дедилар. Сўнгра Набий соллаллоҳу алайҳи васаллам кириб кетдилар. Қавмдан ҳеч ким улар тўғрисида рухсат нозил бўлиб қолармикин, деган умидда ҳеч нарса қилмади. Кейин яна у зот соллаллоҳу алайҳи васаллам уларга чиқдилар ва: “Мана бу уйларни масжиддан бошқа томонга юзлантиринглар, мен масжидни ҳайзли аёлга ва жунубга ҳалол қилмайман”, дедилар”. Абу Довуд айтади: “У (ал-Афлат ибн Холийфа) Фулайт ал-Омирийдир”.
|