Абдуллоҳ ибн Салимадан ривоят қилинади. У киши шундай деди: “Мен Алий розияллоҳу анҳунинг олдига кирдим. У ерда мен ва бири биздан, иккинчиси Бани Асаддан бўлган икки киши бор эди. Менимча Алий розияллоҳу анҳу у икки кишини бир томонга жўнатаётган эди. У: “Сиз иккингиз ғайратли инсонсиз, бас динингизда ғайрат қилинг!” - деди. Сўнгра туриб ҳожатга кирди. Кейин ундан чиқиб сув сўради. Сувдан бир ҳовуч олди-да, у билан баъзи аъзосини ювди. Сўнгра Қуръон ўқишни бошлади. Улар буни инкор қилишди. Шунда Алий розияллоҳу анҳу: “Албатта Расулуллоҳ соллаллоҳу алайҳи васаллам ҳожатдан чиқиб, бизга Қуръонни таълим берардилар ва биз билан бирга гўшт ер эдилар. Ва Қуръон ўқишни жанобатдан бошқа ҳеч нарса тўсмайди”. Ёки “Қуръон ўқишни жанобатдан бошқа ҳеч нарса маън қилмайди”, деди”.
|