Убай ибн Каъб розияллоҳу анҳу ҳабар беради: “Албатта Расулуллоҳ соллаллоҳу алайҳи васаллам инсонларга ана шуни (яъни яқинлик қилиб бўшанмаса ғусл қилмасликка) исломнинг аввалида кийим камлиги сабабли рухсат қилдилар. Сўнгра ғуслга буюриб, ана ўшандан қайтардилар”. Абу Довуд айтади: “Яъни (ғусл) суви (маний) сувидан (сўнг)дир”.
Убай ибн Каъб розияллоҳу анҳудан ривоят қилинади. У киши айтадилар: “Сувдан сув (вожиб) бўлади», деб берган фатволари Исломнинг аввалида Расулуллоҳ соллаллоҳу алайҳи васаллам берган рухсат эди. Сўнгра кейинроқ ғусл қилмоққа амр қилдилар”.
Абу Ҳурайра розияллоҳу анҳудан ривоят қилинади: “Набий соллаллоҳу алайҳи васаллам: “Қачонки, у (эр) у(хотин)нинг тўрт мучаси (қўл-оёғи) орасига ўтирса ва хатна қилинадиган жойни хатна қилинадиган жойга ёпиштирса батаҳқиқ ғусл вожиб бўлади”, дедилар”.
Абу Саид ал-Худрий розияллоҳу анҳудан ривоят қилинади: “Албатта Росулуллоҳ соллаллоҳу алайҳи васаллам: “(Ғусл) суви (маний) сувидан (сўнг)дир”, дедилар.
|