Ҳаром ибн Ҳаким амакисидан ривоят қилинади. У Расулуллоҳ соллаллоҳу алайҳи васалламдан сўради:
“Мени аёлимдан у ҳайзли ҳолатида нима тўсади?”.
У зот соллаллоҳу алайҳи васаллам:
“Сен учун иштон устидан (фойдаланишга рухсат)”, дедилар.
(Ровий) яна ҳайзли аёлни қучоқлашни зикр қилди ва ҳадисни келтирди.

Муоз ибн Жабал розияллоҳу анҳудан  ривоят қилинади. У киши шундай деди:
“Расулуллоҳ соллаллоҳу алайҳи васалламдан кишини аёлидан у ҳайзли ҳолатида нима тўсишлиги тўғрисида сўрадим”.
У киши шундай деди:
“У зот соллаллоҳу алайҳи васаллам иштон устидан фойдаланмоқ ва ундан сақланмоқ афзалдир”, дедилар”.
Абу Довуд айтади: “Бу, яъни ҳадис кучли эмас”.