Абу Ҳурайра розияллоҳу анҳу шундай деди:
“Расулуллоҳ соллаллоҳу алайҳи васаллам:
“Таҳорат қилиш ўт пиширган нарсадан (сўнг)дир”, дедилар”.

Абу Саламадан ривоят қилинади. Унга Абу Суфён ибн Саид ибн Муғийра Умму Ҳабиба онамизнинг олдига кирганлигини сўзлаб берди. Умму Ҳабиба розияллоҳу анҳо унга бир идишда савийқ ичирди. (Савийқ буғдой ва арпа унидан тайёрланадиган таом). Саид ибн Муғийра сув сўради ва мазмаза қилиб, оғзини чайқади. Умму Ҳабиба онамиз Абу Суфён ибн Саид ибн Муғийрага:
“Эй синглимнинг ўғли! Таҳорат қилмайсанми?! Албатта, Набий соллаллоҳу алайҳи васаллам шундай деган эдилар:
“Ўт ўзгартирган нарсадан (сўнг) таҳорат қилинглар!”. Ёки:
“Ўт теккан нарсдан (сўнг) таҳоратқилинглар!”.
Абу Довуд айтади: “Зуҳрий (ривоят қилган) ҳадисда: “Эй биродаримнинг ўғли!”- дейилган”.