Абу Саъид розияллоҳу анҳудан ривоят қилинади:
“Албатта Набий соллаллоҳу алайҳи васаллам бир қўйни терисини шилаётган ғуломнинг олдидан ўтдилар. Расулуллоҳ соллаллоҳу алайҳи васаллам унга:
“Нарироқ тур, токи сенга ўргатиб қўяй”, дедилар. Қўлларини тери билан гўшт орасига киргиздилар-да, куч билан уни шилдилар. Ҳатто (қўй) қўлтиғигача ёпилиб қолди. Сўнгра кетдилар. Таҳорат қилмай кишиларга намоз ўқиб бердилар”.
Абу Довуд айтади: “Амр (ривоят қилган) ҳадисида (таҳорат қилмай дегандан сўнг) зиёда қилди, яъни:
“Сув ушламадилар”ни зиёда қилди.
(Амр ривоятида) Ҳилол ибн Маймун ар-Ромлийдан айтади ва бу ҳадисни Абдулвоҳид ибн Зиёд ҳамда Абу Муовия Ҳилолдан, у Атодан, Ато эса Набий соллаллоҳу алайҳи васалламдан мурсал ҳолда ривоят қилишиб, Абу Саъидни зикр қилишмаган”.