Қайс ибн Толқ дадасидан ривоят қилади. У шундай деди:
“Набийюллоҳ соллаллоҳу алайҳи васалламнинг ҳузурларига бордик. Ҳудди бадавийга ўхшаш бир одам келиб:
“Эй Аллоҳнинг Набийси! Бир одам таҳорат қилганидан кейин закарини ушлашига нима дейсиз?”- деди. У зот соллаллоҳу алайҳи васаллам:
“У ҳам ундан бир парча холос”, ёки “бир бўлак, холос”, дедилар”.
Абу Довуд айтади: “Бу ҳадисни Ҳишом ибн Ҳассон, Суфён ас-Саврий, Шўъба, ибн Уяйна ва Жарир ар-Розийлар Муҳаммад ибн Жобирдан, у Қайс ибн Толқдан ривоят қилган”.

Муҳаммад ибн Жобир Қайс ибн Толқдан унинг исноди билан (юқоридаги ҳадис) маъносини ривоят қилган ва унда (Муҳаммад ибн Жобир):
“Намозда”, деган.
 (Яъни: Эй Аллоҳнинг Набийси! Бир одам таҳорат қилганидан кейин намозда закарини ушлашига нима дейсиз?”- деган.)