Оиша розияллоҳу анҳодан ривоят қилинади: “Набий соллаллоҳу алайҳи васаллам у кишини ўпдилар ва таҳорат қилмадилар”. Абу Довуд айтади: “Шунингдек бу ҳадисни ал-Фирябий ва ундан бошқалар ривоят қилишган”. Абу Довуд айтади: “Бу (ҳадис) мурсалдир. Иброҳийм ат-Таймий Оиша розияллоҳу анҳодан эшитмаган”. Абу Довуд айтади: “Иброҳийм ат-Таймий қирқ ёшга етмай вафот топди. Уни Абу Асмо деб куняланарди”.
Оиша розияллоҳу анҳодан ривоят қилинади: “Албатта Набий соллаллоҳу алайҳи васаллам аёлларидан бир хотинни ўпдилар. Сўнг таҳорат қилмай намозга чиқдилар”. Урва айтади: “Мен: “Ўша хотин сиздан бошқаси бўлмаса керак”, деган эдим, у киши кулди”. Абу Довуд айтади: “Заида ва Абдулҳамид ал-Ҳимманийлар Сулаймон ал-Аъмашдан ҳудди шундай ривоят қилишган”.
(Бу ерда асосан ровийлар хусусида баҳс қилинган).
|