Амр ибн Шуайб дадасидан, у бобосидан ривоят қилади: “Бир киши Набий соллалоҳу алайҳи васалламнинг олдиларига келиб: “Эй Аллоҳнинг Расули! Таҳорат қандай бўлади?” – деди. Идишда сув сўрадилар. Икки кафтларини уч марта ювдилар. Сўнгра юзларини уч марта ювдилар. Кейин икки билакларини уч марта ювдилар. Сўнг бошларига масҳ тортдилар. Икки кўрсаткич бармоқларини икки қулоқларига киргиздилар ва икки бошбармоқлари билан қулоқларининг зоҳирига, икки кўрсаткич бармоқ билан эса, қулоқларининг ботинига масҳ тортдилар. Сўнгра икки оёқларини учта-учтадан ювдилар. Кейин: “Таҳорат ҳудди шу (миқдорда) бўлади. Ким бунга зиёда қилса ёки нуқсон қилса батаҳқиқ гуноҳкор бўлибди ёки зулм қилибди”, дедилар. (Ровий шак қилиб): “Батаҳқиқ зулм қилибди ёки гуноҳкор бўлибди”, дедилар”, деган.
|