Абу Ҳурайра розияллоҳу анҳудан ривоят қилинади: “Албатта Набий соллалоҳу алайҳи васаллам иккита-иккитадан таҳорат қилдилар”.
Ато ибн Ясор шундай деди: “Ибн Аббос розияллоҳу анҳумо бизга шундай деди: “Расулуллоҳ соллалоҳу алайҳи васалламнинг таҳоратлари қандай бўлганлигини сизларга кўрсатмаоқлигимни яхши кўрасизларми?”. Бир идишда сув сўради. Ўнг қўлида бир ҳовуч сув олди. Мазмаза ва истиншоқ қилди. Кейин бошқа (сув) олди. Бунда икки қўлини жамлади. Сўнгра юзини ювди. Кейин бошқа (сув) олиб, ўнг қўлини ювди. Сўнг бошқа (сув) олиб, чап қўлини ювди. Кейин сувдан бир қабза олиб, сўнг қўлини силкитдида, кейин у билан бошига ва қулоқларига масҳ тортди. Сўнгра сувдан бошқа бир қабза олди-да, уни ўнг оёғига сепди. Оёғида кавш бор эди. кейин бир қўли билан қадамининг устини ва бир қўли билан кавушнинг остини ишқалади. Сўнгра чап оёғини ҳам ҳудди шундай қилиб ювди”.
|