Бир юз тўқсон олтинчи ҳадис
Абу Ҳанифа (р.а.) Атодан, у Ибн Умардан (р.а.) ривоят қилади. Ибн Умар (р.а.) айтди: «Расулуллоҳ (с.а.в.): «Рикоз -Аллоҳ таоло ер устида бўладиган маъданларда яратган нарсадир», деб марҳамат қилдилар».
Бир юз тўқсон еттинчи ҳадис
Абу Ҳанифа (р.а.) Атодан, у Жобирдан (р.а.) ривоят қилади. Жобир (р.а.) айтади: «Расулуллоҳ (с.а.в.): «Бой ва камбағалга қилган ҳар яхшилигинг садақадир», дедилар».
Бир юз тўқсон саккизинчи ҳадис
Абу Ҳанифа (р.а.) Ҳаммоддан, у Иброҳим ал-Асваддан, у эса Оиша онамиздан (р.а.) ривоят қилади: «Оиша онамиз (р.а.) Барирага гўшт тасаддуқ этди (берди, садақа қилди. - Тарж.). Буни ҳазрати Пайғамбар (с.а.в.) кўрдилар ва: «У тасаддуқ этган нарсанг сен учун садақа, биз учун эса ҳадядир», деб марҳамат қилдилар».
|