Уч юз эллик иккинчи ҳадис

Абу Ҳанифа (р.а.) Абу Зубайрдан, у Жобирдан (р.а.) ривоят қилади. Жобир (р.а.) айтдилар: «Расулуллоҳ (с.а.в.) муайян улуш эвазига (М. учдан бири, тўртдан бири каби маълум миқдор эвазига) шерик бўлиб экин экишдан қайтардилар».

Уч юз эллик учинчи ҳадис

Абу Ҳанифа (р.а.) Абу Ҳусайндан, у Рофиъ ибн Ҳудайждан ривоят қилади. Рофиъ ибн Ҳудайж (р.а.) айтдилар: «Ҳазрат Пайғамбар (с.а.в.) бир боғни кўрдилар ва у боғни жуда ёқтирдилар.

- Бу кимники? - дея сўрадилар.

- Меники, - дедим.

- Қаердан сеники бўлиб қолди?

- Уни ижарага олдим, - деган эдим, Расули Акрам (с.а.в.)

- Уни даромадидан бирор нарса эвазига ижарага олма, дедилар.

Бир ривоятда айтилишича: «Набий (с.а.в.) бир боққа дуч келдилар ва:

- Бу кимники? - дедилар.

- Меники. Уни ижарага олдим, - дедим.

- Уни, даромадидан бирор нарса эвазига ижарага олма, - дедилар Расулуллоҳ (с.а.в)».