Уч юз учинчи ҳадис

Абу Ҳанифа (р.а.) Атодан, у Жобир ибн Абдуллоҳдан (р.а.) ривоят қилади. Жобир (р.а.) айтдилар: "Иброҳим ибн Нуайм Наҳҳамнинг бир қули бор эди. Уни мудаббир (хўжайини ўлгандан сўнг озод бўладиган қул) қилди. Кейин пулга эҳтиёж сезди. Ҳазрати Пайғамбар (с.а.в.) уни саккиз юз дирҳамга сотдилар".

Бир ривоятда: "Набий (с.а.в.) мудаббир қулни сотдилар", дейилади.

Уч юз тўртинчи ҳадис

Абу Ҳанифа (р.а.) Ҳаммоддан, у Иброҳимдан, у Асваддан, у Оиша онамиздан (р.а.) ривоят қилади. "Оиша онамиз (р.а.) Барирани сотиб олиб озод этмоқчи бўлди. Бариранинг хўжайинлари ҳазрати Оишага (р.а.):

- Вало бизда бўлиши шарти билан сенга сотамиз, - дейишди. (Озод этилган қул ўлганида ундан қолган мол уни озод қилган зотга ёхуд ворисларига қолиши "вало", дейилади.) Оиша онамиз буни ҳазрати Пайғамбаримиз (с.а.в.)га айтганларида ул Жаноб:

- Вало уни (қулни) озод этганга бўлади, - дея марҳамат қилдилар".

Уч юз бешинчи ҳадис

Абу Ҳанифа (р.а.) Ато ибн Ясордан, у Ибн Умардан (р.а.) ривоят қилади. "Расулуллоҳ (с.а.в.) Валони сотишни ва уни ҳадия қилишни ман қилдилар».