64 (1419) 3458. Абу Ҳурайра розияллоҳу анҳу айтадилар:
«Расулуллоҳ соллаллоҳу алайҳи васаллам:
«Жувон аёлдан маслаҳат сўрамай туриб никоҳланмас. Қиз боладан изн олинмай туриб никоҳланмас», дедилар.
«Эй Аллоҳнинг Расули, изни қандоқ бўлур?» дейишди.
«Сукут сақламоғи», дедилар».

000 (000) 3459. Бу ерда юқоридаги ҳадис такрор келган.

65 (1420) 3460. Оиша айтадилар:
“Расулуллоҳ соллаллоҳу алайҳи васалламдан аҳли никоҳлайдиган қиз хусусида сўраб, ундан маслаҳат олинадими? Ёки йўқми? Десам у зот Оишага: “Ҳа, маслаҳат олинади”, дедилар. Мен: “У уяладику?” десам, Расулуллоҳ соллаллоҳу алайҳи васаллам: “Агар жим турса ана шу унинг розилигидир”, дедилар.

66 (1421) 3461. Ибн Аббосдан ривоят қилинади:
“Набий соллаллоҳу алайҳи васаллам:
«Жувон хотин ўз нафсига валийсидан кўра ҳақлироқ. Қиз боладан эса, изн сўралур. Унинг изни жим туришидир», деганларми? Деб Моликка айтсам, у “Ҳа”, деди.

67 (000) 3462. Ибн Аббосдан ривоят қилинади:
“Набий соллаллоҳу алайҳи васаллам:
«Жувон хотин ўз нафсига валийсидан кўра ҳақлироқ. Қиз боладан эса, маслаҳат олинур. Унинг изни сукутидир», дедилар”.

68 (000) 3463. Суфён ушбу санад билан гапириб:
«Жувон хотин ўз нафсига валийсидан кўра ҳақлироқ. Қиз боладан эса, отаси у ҳақда изн олур. Унинг изни жим туришидир», дедилар”.
Эҳтимол “Унинг жим туриши иқрор бўлганидир”, дедилар.