69 (1422) 3464. Оиша (р.о.)дан ривоят қилинади:
“Расулуллоҳ соллаллоҳу алайҳи васаллам мени олтига кирганимда уйландилар. Тўққизга кирганимда мен билан оилавий ҳаётни бошладилар.
Оиша (р.о.): “Мадинага келганимизда бир ой безгак касали бўлиб қолдим. Сочим (тўкилиб кетгач кейин) ўсиб, икки елкамга тушди. Умму Рувман олдимга келдилар. Ўшанда мен дугоналарим билан арғимчоқ учаётган эдим. У мени баланд овозда чақирган эди, олдига бордим. У мендан нима исташини билмас эдим. У қўлимдан ушладида, эшик олдида тўхтатди. Мен: “Ҳо, ҳо”, деб ҳансирар эдим. Ҳатто у ҳансираш мендан нари бўлди. У аёл мени уйга киритган эди, қарасам ансорий аёллар бор экан. Улар: “Хайр ва барака, бахтли бўлинглар”, дейишди. У мени ана шу аёлларга топширди. Улар менинг бошимни ювиб, (уст-бошимни) тузатишди. Расулуллоҳ соллаллоҳу алайҳи васаллам эса чошгоҳ пайтида тўсатдан пайдо бўлдилар. Аёллар эса мени у зотга топширишди”, дедилар.

70 (000) 3465. Оиша (р.о.)дан ривоят қилинади:
“Набий соллаллоҳу алайҳи васаллам мени олтига кирганимда уйландилар. Тўққизга кирганимда мен билан оилавий ҳаётни бошладилар.

71 (000) 3466. Урва Оишадан ривоят қиладилар:
“Набий соллаллоҳу алайҳи васаллам Оишага, етти ёшга кирганида уйландилар. У тўққизга кирганларида келин бўлдилар. Ўшанда ўйинчоқлари ўзлари билан бирга эди. Ўн саккизга кирганларида Расулуллоҳ соллаллоҳу алайҳи васаллам вафот этдилар.

 72 (000) 3467. Асвад Оиша (р.о.)дан ривоят қиладилар:
“Расулуллоҳ соллаллоҳу алайҳи васаллам Оиша олти ёшга кирганларида уйландилар. Тўққизга кирганларида Расулуллоҳ соллаллоҳу алайҳи васаллам у билан оилавий ҳаётни бошқардилар. Ўн саккизга кирганларида Расулуллоҳ соллаллоҳу алайҳи васаллам вафот этдилар.