41 (1409) 3432. Нубайҳ ибн Ваҳбдан ривоят қилинади:
«Умар ибн Убайдуллоҳ Толҳа ибн Умарни Шайба ибн Жубайрнинг қизига никоҳлашни хоҳлаб, Абон ибн Усмонга одам жўнатди. Бас Абон унга ҳозир бўлди. У ўшанда ҳаж амири эди. У: “Мен Усмон ибн Аффондан эшитганман, Расулуллоҳ соллаллоҳу алайҳи васаллам:
«Эҳромдаги киши никоҳига олмайди, никоҳламайди ва совчи ҳам қўймайди», деганлар», деб айтдилар».

42 (000) 3433. Нубайҳ ибн Ваҳб айтадилар:
«Умар ибн Убайдуллоҳ ибн Маъмар мени Шайба ибн Усмоннинг қизига ўғлини никоҳлашни хоҳлаб, Абон ибн Усмонга мени жўнатди. Бас Абон (ҳаж) мавсумида эди. У: “Сени (суннатни тушунмайдиган) аъробийга ўхшатмоқдаман. Эҳромдаги киши никоҳига олмайди, никоҳламайди ҳам. Буни бизга Усмон Расулуллоҳ соллаллоҳу алайҳи васалламдан ривоят қилиб гапирганлар», деб айтдилар».

43 (000) 3434. Усмон ибн Аффондан ривоят қилинади: “Расулуллоҳ соллаллоҳу алайҳи васаллам:
«Эҳромдаги киши никоҳига олмайди, никоҳламайди ва совчи ҳам қўймайди», дедилар».


44 (000) 3435. Усмонга Набий соллаллоҳу алайҳи васалламдан етиб келди. У зот:
«Эҳромдаги киши никоҳига олмайди ва совчи ҳам қўймайди», дедилар».

45 (000) 3436. Нубайҳ ибн Ваҳбдан ривоят қилинади:
«Умар ибн Убайдуллоҳ ибн Маъмар ўғли Толҳани Шайба ибн Жубайрнинг қизига никоҳлашни ҳажда хоҳлади. Абон ибн Усмон ўша куни ҳаж амири эди. Бас Абонга одам жўнатиб: “Мен Толҳа ибн Умар никоҳлашни хоҳлайман. Сиз ҳам унда ҳозир бўлишингизни истар эдим”, дегандилар, Абон: “Мен сизни қўпол Ироқлик ҳолда кўрмоқдаман-а?!” Мен Усмон ибн Аффондан эшитганман, Набий соллаллоҳу алайҳи васаллам:
«Эҳромдаги киши никоҳига олмайди», деганлар», деб айтдилар».

46 (1410) 3437. Ибн Аббос хабар берадилар:
«Набий соллаллоҳу алайҳи васаллам эҳромдалик ҳолларида Маймунага уйландилар».
(Изоҳ: ҳанафийлар айнан ушбу ҳадиси шарифни ҳужжат қилиб, эҳромдаги киши ақди никоҳ қилса бўлади, аммо бирга яшамай туради, деганлар.

47 (000) 3438. Ибн Аббос розияллоҳу анҳудан ривоят қилинади:
«Расулуллоҳ соллаллоҳу алайҳи васаллам эҳромдаликларида Маймунага уйландилар».

48 (1411) 3439. Язид ибн Асомдан ривоят қилинади:
“Маймуна бинти Ҳорис менга гапириб берди. Албатта Расулуллоҳ соллаллоҳу алайҳи васаллам эҳромдан чиққач унга уйландилар.
У Маймуна менинг ва Ибн Аббоснинг холасидир”.