487 (1381) 3339. Абу Ҳурайрадан ривоят қилинади: «Расулуллоҳ соллаллоҳу алайҳи васаллам: «Одамларга бир замон келур. Унда киши амакиваччасини ва яқинларини: «Фароғатга келинглар! Фароғатга келинглар!» деб чақирур. ҳолбуки, Мадина улар учун яхшидир. Агар улар билсалар. Жоним қўлида бўлган Зот ила қасамки, улардан бирортаси ундан безиб чиққан бўлса, албатта, Аллоҳ унинг ўрнига у ерга ундан яхшини киритади. Огоҳ бўлинглар! Албатта, Мадина худди босқон каби ифлосни чиқариб туради. Токи Мадина ўз ёмонларини худди босқон темирнинг зангини кўчирганидек кўчирмагунича қиёмат қоим бўлмас», дедилар».
488 (1382) 3340. Абу Ҳурайра розияллоҳу анҳу айтадилар: «Расулуллоҳ соллаллоҳу алайҳи васаллам: «Шаҳарларни ейдиган шаҳарда туришга амр қилиндим. Уни Ясриб дейдилар. У Мадинадир. У (ёмон) одамларни худди босқон темирнинг кирини сургун қилгандек, сургун қилади», дедилар».
000 (000) 3341. Бу ерда юқоридаги ҳадис такрор келган. Фақат: "Темир" сўзи зикр қилинмаган.
489 (1383) 3342. Жобир розияллоҳу анҳудан ривоят қилинади: «Бир аъробий Расулуллоҳ соллаллоҳу алайҳи васалламга байъат қилди. Аъробийга беморлик етиб қолди. У Набий соллаллоҳу алайҳи васаллам ҳузурларига келиб: «Мени байъатдан бўшатинг», деди. У зот бош тортдилар. Сўнгра яна келиб: «Мени байъатдан бўшатинг», деди. У зот бош тортдилар. Сўнгра яна келиб: «Мени байъатдан бўшатинг», деди. У зот бош тортдилар. Сўнг аъробий чиқиб кетди. Шунда Расулуллоҳ соллаллоҳу алайҳи васаллам: «Мадина худди босқонга ўхшайди. У зангини кўчириб ва яхшисини мусаффо қилиб туради», дедилар».
490 (1384) 3343. Зайд ибн Собитдан ривоят қилинади: Набий соллаллоҳу алайҳи васаллам: «Тайба яъни, Мадина худди босқонга ўхшайди. У зангини кўчириб ва яхшисини мусаффо қилиб туради», дедилар».
491 (1385) 3344. Жобир ибн Самура розияллоҳу анҳудан ривоят қилинади: «Набий соллаллоҳу алайҳи васаллам: «Албатта, Аллоҳ таоло Мадинани Тоба деб номлаган», дедилар». (Изоҳ: «Тоба» – «яхши», «покиза», «хушрўй» каби бир-бирига яқин маъноларни ўзида мужассам қилади).
|