492 (1386) 3345. Абу Абдуллоҳ ал-Қарроздан ривоят қилинади: "Мен Абу Ҳурайрага гувоҳ бўлдим, у Абулқосим соллаллоҳу алайҳи васалламнинг: «Ким аҳли Мадинага ёмонликни ирода қилса, Аллоҳ уни худди туз сувда эригандек эритиб юборади», деганларини, айтди".
493 (000) 3346. Абу Ҳурайра розияллоҳу анҳу айтадилар: "Расулуллоҳ соллаллоҳу алайҳи васаллам: «Ким Мадина аҳлига ёмонликни ирода қилса, Аллоҳ уни худди туз сувда эригандек эритиб юборади», дедилар".
000 (000) 3347. Бу ерда юқоридаги ҳадис такрор келган.
494 (1387) 3348. Саъд ибн Абу Ваққос айтадилар: "Расулуллоҳ соллаллоҳу алайҳи васаллам: «Ким Мадина аҳлига ёмонликни ирода қилса, Аллоҳ уни худди туз сувда эригандек эритиб юборади», дедилар".
000 (000) 3349. Бу ерда юқоридаги ҳадис такрор келган.
495 (000) 3350. Абу Ҳурайра ва Саъдлар айтишади: "Расулуллоҳ соллаллоҳу алайҳи васаллам: «Аллоҳим Мадина аҳлининг мудд ўлчовига барака бергин», деб ҳадиснинг давомида: «Ким Мадина аҳлига ёмонликни ирода қилса, Аллоҳ уни худди туз сувда эригандек эритиб юборади», дедилар".
|